இன்ஸ்டன்ட் போஸ்ட்..., மேட்டர் வேணுமா?!!!!

நம்ம பிளாக்கில் நெனச்ச உடனே ஒரு போஸ்ட் போடணும்னு கம்ப்யூட்டர் முன்னாடி உட்கார்ந்தா என்ன எழுதறதுன்னு தெரியாம முழிக்கறிங்களா? மேட்டர் கிடைக்காம அலையற உங்களுக்கு உடனே மேட்டர் வேணுமா? மேல.. சாரி.. கீழ படியுங்க...

இதோ வழிகள்:

         1. கூகுளே இமேஜ்ல ஏதாவது வார்த்தை போட்டு தேடி நாலஞ்சு படத்தை பதிவா போடலாம். விக்கிபீடியாவும் அப்பப்ப கை கொடுக்கும்.

          2. நியூஸ் தளத்துல எதாச்சும் ஹாட் டாபிக் இருந்தா அதை காப்பி/பேஸ்ட் செய்யலாம்.

       3. ஹாட் டாபிக் கிடைக்காட்டி தலைப்பை ஹாட்-டா போடலாம். முக்கியமா அது, இது, எது-ன்னு வார்த்தைகள் இருக்கனும்.

       4. ஏதாச்சும் நாலஞ்சு வரியில பிட்டு பிட்டா எழுதி கவிதைங்குற தலைப்புல போடலாம். ஆனா, அதுக்கும் மண்டையில கொஞ்சம் யோசிக்கணும்னு நெனச்சா அவாய்ட் பண்ணிருங்க.

     5. நம்ம பிளாக் பிரண்ட்ஸ் பேரை போட்டு செமையா கலந்துகட்டி கலாய்கலாம்.

        6. இருக்கவே இருக்கு.. பேஸ்புக்... ஒரு அஞ்சு நிமிஷம் நண்பர்களோட ஸ்டேடஸ் மேஞ்சா ஒரு பதிவுக்கு மேட்டர் கேரன்டி...

       7. யாரையாவது திட்டணும்னு நினைக்கறிங்களா? இருக்கவே இருக்கு பிளாக். மறைமுகமா, ஜாடையா பேரை மாத்தி திட்டி பதிவு எழுதலாம். 

        8. சினிமா ரிலீஸ் ஆகுற நாள்ல பதிவுக்கு பஞ்சமா? நம்ம பிளாக்கர்ஸ் நிறைய பேர் விமர்சனம்னு போட்டிருப்பாங்க. அவங்க லிங்க்-கை மட்டும் தந்து குருட்டாம் போக்குல ஹிட்ஸ் அள்ளலாம். (இது மட்டும் இன்னும் எனக்கு பாக்கி இருக்கு. அதான் லிங்க் தரல)

       9. பதிவு எழுத மேட்டரே கிடைக்கலியா? காலையில எந்திருச்சதுல இருந்து பதிவு எழுதலாம்னு உட்கார்ந்த டைம் வரை என்னென்ன நடந்துச்சோ, அப்படியே மானே, தேனே, பொன்மானே போட்டு எழுதிருங்க.. அம்புட்டுதேன்,

     10. இன்னொரு பிளாக்கில் இருக்குற ஒரு பதிவு உங்களுக்கு பிடிச்சிருக்கா? உடனே அந்த பதிவை காப்பி/பேஸ்ட் செஞ்சு உங்க கருத்துன்னு ஒரு நாலஞ்சு வரி எழுதிருங்க... அப்படியே அந்த பதிவோட லிங்க் தர மறந்துராதிங்க...

      11. யுட்யூப்-ல உங்களுக்கு பிடிச்ச பாட்டை எடுத்து மனங் கவர்ந்த பாடல்கள்-ன்னு தலைப்பு போட்டு, பாட்டு லிங்க் இணைச்சு பதிவை எழுதி, அப்படியே உங்க நண்பர்களையும் அதே தலைப்புல பதிவு எழுதச் சொல்லிரலாம். அதுக்கு பேர் தான் தொடர்பதிவு (பதிவு எழுதாம இருக்கறவங்களை மாட்டி விட சூப்பர் ஐடியா இது). 

        12. மேல இருக்குற எல்லா மேட்டரும் யூஸ் செஞ்சு பதிவு போட்டாச்சா? அப்பவும் ஏதாவது மேட்டர் கிடைக்குமான்னு தேட உங்க பிளாக் இருக்கு. உங்க பதிவுல, டாப் டென் பிரபல பதிவுகள், அதிக கமெண்ட்ஸ் வந்த டாப் டென் பதிவுகள், சென்ற வருட டாப் டென் பதிவுகள், கடந்த மாதம் ஹிட்ஸ் அள்ளிய டாப் டென் பதிவுகள், இப்படி உங்க பிளாக்கிலேயே கொறஞ்சது பத்து பதிவுகள் தேத்தலாம்.

       13. அட, அப்படியும் பதிவு போட்டாச்சு. இன்னும் மேட்டர் வேணுமேன்னு நினைகறிங்களா? உங்க பதிவுல ஒண்ணொண்ணா, மீள்பதிவு-ங்குற தலைப்புல திரும்ப காப்பி/பேஸ்ட் செஞ்சிருங்க.. இத விட ஈசியான வழி வேற இருக்காதுங்க... 

நண்பர்களே, பிளாக் எழுத நிறைய மேட்டர் சொல்லியிருக்கேன். யூஸ் புல்லா இருக்கும்னு நினைக்கிறேன்....