இன்னைக்கு என் மண்டையில மசாலா காலியாயிருச்சு!

வணக்கம் நன்பா'ஸ்,

    எப்படி இருக்கீங்க? வேலையெல்லாம் எப்படி போகுது? ஏதோ போகுதுன்னு சாக்கு போக்கு சொல்லாதிங்க பாஸ். பாக்குற வேலைய சந்தோசமா பாருங்க. அப்புறம் என்னை பத்தி கேட்கறிங்களா? ஏதோ இருக்கேனுங்க.... அப்புறம் ஒரு விஷயம்? இன்னைக்கு என்ன மேட்டரை பதிவா எழுதலாம்னு காலையில இருந்து மண்டைய போட்டு பிச்சு பாத்துட்டேன். ஒரு மேட்டரும் சிக்க மாட்டிங்குது. இப்படி வரட்சியாயிருச்சே இன்னைக்கு... இப்படி எப்பவுமே இருந்தது இல்ல... டெய்லி பேப்பர் படிக்றதும் கொறஞ்சு போச்சு. அதனால நாட்டு நடப்பும் சரியா தெரியல. டிவி பாக்க வேண்டியது தானே அப்படின்னு கேட்கறிங்களா? டிவி பார்த்தா கம்ப்யுட்டர் யூஸ் பண்ண முடியாது. 

     என்னய்யா டிவிக்கும் கம்ப்யுட்டர்க்கும் என்னய்யா சம்பந்தம்ன்னு கேட்கறிங்களா? ஆமாங்க. என் கம்ப்யுட்டர்ல தான் டிவி இருக்கு. அதுக்காக டிவி கார்ட் போட்டிருக்கேன். சரி அப்படியும் நெட் யூஸ் பண்ணாம டிவியில ஏதாவது மேட்டர் கிடைக்குமான்னு பார்த்தா கேபிள் கட் ஆயிருச்சு. ஆக டிவியும் சதி பண்ணிருச்சு. என்ன செய்யலாம்னு யோசிச்சிட்டு இருந்தேன். அப்ப என் மொபைல் அலறுச்சு.... யாரு நம்மள கூப்பிடறதுன்னு பார்த்தா என் அண்ணன் தான். குழந்தைக்கு பெர்த் சர்டிபிகேட் வாங்கணும். தாலுகா ஆபீஸ் எங்க இருக்குன்னு தெரியாது. நீ வந்தா தேடி கண்டுபிச்சு போயிரலாம் அப்படின்னு அன்பா கூப்பிட்டாரு. ஏன்னா என்கிட்டே வண்டி இருக்கு. அதனால தான். ரைட்டு, இன்னைக்கு மண்டையில மசாலா தான் இல்லை. அவருக்காச்சும் ஹெல்ப் பண்ணலாம்னு சரி வாண்ணா, போயிட்டு வரலாம் அப்படின்னு சொன்னேன். தாலுகா ஆபீசை தேடி வண்டியில கிளம்பினோம். புதூர்ல ஆபீஸ் இருக்குன்னு சொன்னாங்க குழந்தை பிறந்த ஆஸ்பத்திரியில. அதனால அங்க போயி பாக்கலாம்னு சொன்னார். ரைட்டுன்னு புதூர் வண்டிய விட்டேன். நம்ம வீட்டுல இருந்து பக்கம் தான். அஞ்சு நிமிசத்துல போயிட்டோம். அங்க விசாரிச்சு ஆபீஸை தேடி கண்டுபிடிச்சோம். ஆனா பூட்டி இருந்துச்சு. பக்கத்துல விசாரிச்சா ஆபிசர் வர லேட் ஆகும்னு சொன்னாங்க. அப்புறமா என் அண்ணன் இருக்குற ஏரியாவுக்கு அந்த ஆபீஸ் இல்லைன்னு அந்த கடைக்காரர் சொன்னார். அப்புறம் அய்யர்பங்களா பக்கதுல இருக்குன்னு சொன்னார். 

      அப்புறம் அங்க இருந்து பத்து நிமிஷம் அய்யர்பங்களா போயிட்டோம். அங்க பஸ்ஸ்டாப்பு பக்கத்துல ஒரு கடையில விசாரிச்சோம். அவரு இன்னும் கொஞ்சம் தள்ளி போனா பெட்ரோல் பங்க் பக்கத்துல ஓர் ஆபீஸ் இருக்கு. அங்க போயி பாருங்க அப்படின்னு சொன்னார். அவரு சொன்ன இடத்துக்கு வண்டிய விட்டேன். அவரு சொன்ன இடத்துல ஒரு அஞ்சு நிமிஷம் தேடி ஆபீஸை கண்டு பிடிச்சோம். அங்க எங்க ஏரியாவ கேட்டதும் இந்த ஆபீஸ்ல இல்லைங்க, வேற ஆபீஸ்ல இருக்கு அப்படின்னு இன்னொரு அட்ரஸ் தந்தார். நல்ல வேளை அதுவும் அங்க இருந்து பக்கத்துல தான். அந்த ஆபீஸை தேடி கண்டுபிடிச்சு போனோம். அங்க இருந்த பியூன் எங்க கிட்ட இருந்த பெர்த் சர்டிபிகேட் அப்ப்ளிகேசனை பார்த்துட்டு இது இங்க தான் இருக்கு அப்படின்னு எடுத்து காட்டினார். எங்களுக்கு ஹேப்பியா இருந்துச்சு. அப்புறம் சர்டிபிகேட் பதிஞ்சு வர ஒரு வாரம் ஆகும்னு சொன்னாங்க. அதுக்கு பீஸ் இருநூறு ரூவா ஆகும்னு சொன்னாங்க. அவங்க கேட்ட பீஸை தந்திட்டு ஒரு வாரம் கழிச்சு வர்றோம்னு கிளம்பிட்டோம்.

அப்பாடா, இன்னைக்கு பதிவு போட முடியுமான்னு தெரியாமலே ஒரு பதிவு போட்டாச்சு. ஹே ஹே ஹே.....