ஈரோடு சங்கமம்: மெடிக்கல்ஷாப்க்கு ஒதுங்கிய பதிவரும், பல்பு வாங்கிய பதிவரும்...

அனைவருக்கும் வணக்கம்,

வலைபதிவர்கள், முகநூல், டிவிட்டர் நண்பர்கள் அனைவரும் ஒன்றாக கூடி மகிழ கூடிய ஒரு சந்தர்ப்பத்தை நேற்று மிக சிறப்பாக ஏற்பாடு செய்திருந்தார்கள் ஈரோடு தமிழ் வலைப்பதிவர்கள் குழுமம். சந்திப்பு பற்றிய நினைவுகளை இனி சில இடுகைகள் மூலம் உங்களிடம் பகிர்கிறேன்.

நிறைய பதிவர்கள் சங்கமம் பற்றிய பதிவுகள் எழுதுவாங்க. சந்திப்பில் என்னென்ன நடந்துச்சுன்னு எழுதுவாங்க படிச்சுக்காங்க. ஹி..ஹி... நானும் எழுதுவேன், படிப்பேன். இப்போ சந்திப்பில் வந்த யாருக்குமே தெரியாத ஒரு விஷயம் ஒண்ணு நான் சொல்லப் போறேன்.

இது யாருன்னு தெரியனுமா? கீழே படிங்க

        ஒரு பத்து மணி இருக்கும் சிபி ரொம்ப வேகமா வந்தார், அப்படியே நம்ம கூட்டத்துல ஐக்கியமாயிட்டார். அப்புறம் தான் வச்சிருந்த கேமராவால போட்டோஸ் எடுக்க ஆரம்பிச்சாரு. அண்ணே, இன்னைக்கும் உங்க வேலையை சரியா முடிச்சிட்டு வந்திருப்பிங்களே அப்படின்னு கேட்டேன், என்ன வேலை அப்படின்னு கேட்டார். காலையில ஒரு பதிவு போட்டுட்டு வந்திருப்பிங்களே, அத மறக்க மாட்டிங்களே... யோவ், அதெல்லாம் போடாம வருவோமா? அதான்யா நமக்கு வேலை, அப்படின்னு சொல்லிட்டு பயங்கரமா சிரிச்சார். சிபி எப்படி சிரிப்பார்னு மனோகிட்ட கேளுங்க.... நம்ம நக்கீரன், அதாங்க நாய்நக்ஸ் அவர்கிட்ட கேமராவ தந்து போட்டோ எடுப்பா என அன்பா கேட்டார் சிபி, அவரும் போட்டோ எடுக்க கேமராவ வாங்கிட்டு போகஸ் பார்த்தார். அப்புறம் என்ன நெனச்சார்னு தெரியல நாய்நக்ஸ் கேமராவ நாலு தடவ சுத்தி சுத்தி பார்த்தார். என்னய்யா இப்படி பாக்குற என சிபி கேட்க, அவரோ கேமரால சார்ஜ் இல்லையே சிபி எப்படி போட்டோ எடுக்கிறது? என சொல்ல நம்ம சிபி ரொம்பவே ஷாக் ஆயிட்டார். அப்புறம் சமாளிச்சுட்டு பேட்டரி சார்ஜ் போடணும் போல, மொபைல் கடைக்கு போகனும்னு சொல்லிட்டு நக்ஸ் கூட வெளியே போனாரு. மொபைல் கடைக்காரன் சார்ஜ் போட கரண்டை ஓசியாவா தருவான்? நிகழ்ச்சி அப்போ ஆரம்பிக்கல. நானும் நம்ம தமிழ்பேரன்ட்ஸ் சம்பத்தும் வெளியே கடைக்கு போனோம் டீ சாப்பிட... ஹி..ஹி..

இவருதான் தமிழ்பெரன்ட்ஸ் சம்பத்குமார்

        அப்போ சம்பத் சொன்னார், அது சிபி மாதிரி தெரியுதே அப்படின்னு, ஆமாங்க கேமரா சார்ஜ் தீந்து போச்சு. அதான் சார்ஜ் போட வந்திருக்கார்.  அதுக்கு எதுக்குங்க மெடிக்கல் ஷாப்ல நிக்கிறாரு? அங்க எப்படி சார்ஜ் போட முடியும்? என கேள்வி மேல கேள்வி கேட்டாரு. சிபி பக்கத்துல போறதுக்குள்ள கடையை விட்டு வெளியே வந்துட்டார். அண்ணே இங்க என்ன வாங்குனிங்க அப்படின்னு கேட்டோம். ஓ... அதுவா, கேமரா பேட்டரி வாங்கினேன் அப்படின்னு சொன்னார். (ஆனா மெடிக்கல் ஷாப்ல என்ன வாங்கினார்னு சத்தியமா தெரியலைங்க)சரிங்கன்னே நீங்க சொன்னா சரியாதான இருக்கும். அப்படியே உங்கள போட்டோ எடுக்கணும் ஒரு போஸ் தாங்க அப்படின்னு சொன்னதும், இருய்யா கண்ணாடி போட்டுக்கறேன், அப்புறம் மனோ பய திட்டுவானு சொல்லிட்டே கண்ணாடி போட்டுகிட்டார். அவர போட்டோ எடுத்திட்டு எல்லோரும் உள்ள வந்தோம்.  அப்புறம் ப்ரோக்ராம் ஸ்டார்ட் ஆச்சு... அத பத்தி அடுத்த பாகங்கள்ல பார்க்கலாம். 

சிபி தான்... மெடிக்கல்ஷாப் முன்

            அப்புறம் நம்ம நாய்நக்ஸ் செமையா பல்பு வாங்குனார். அது என்னான்னா மனோ, விக்கி, மாணவன் சிலம்பு, நிரூபன் என நாலு பேரும் என் மொபைல்ல பேச போறாங்க அத மைக் முன்னாடி எல்லோருக்கும் கேட்கிற மாதிரி செய்ய போறேன்னு சொல்லிட்டு இருந்தார். செய்யுங்க நல்ல முயற்சிதான்னு சொல்லிட்டு இருந்தோம். நிகழ்ச்சி நடந்துட்டு இருந்துச்சு. நாய்நக்ஸ் அப்பஅப்ப சொல்லிட்டே இருந்தார், நாலு பெரும் பேச போறாங்க அப்படின்னு... கொஞ்ச நேரம் ஆச்சு.  திடீர்னு மேடையில ஹலோ... ஹலோ... அப்படின்னு நக்ஸ் சொல்லிட்டு இருந்தார். அப்புறம் மைக்கல மனோ லைன்ல வரார். உங்க கிட்ட பேச போறார்னு சொல்லிட்டு மறுபடியும் ஹலோ.. ஹலோ... நான் நக்கீரன் பேசறேன்... பேசுங்க மனோ...உங்களுக்காக எல்லோரும் வெயிட் பண்ணிட்டு இருக்காங்க...பேசுங்க மனோ அப்படின்னு சொல்லிட்டு இருந்தார். ஹாலே அமைதியா பார்த்துட்டு இருந்துச்சு அவர... இப்படியே ஒரு மூணு நிமிஷம் ஆச்சு. மனோ பேசுற மாதிரி தெரியல. எல்லோரும் உங்க பேச்சை கேட்கணும்னு ஆர்வமா இருக்காங்க? ஹலோ.... மனோ.... லைன்ல இருக்கிங்களா அப்படின்னு கேட்டுட்டே இருந்தார். திடீர்னு, நான் நல்லா இருக்கேன், நீங்க பேசறது கேட்குது அப்படின்னு சொன்னார். அந்தப்பக்கமும் ஹலோ நக்கீரன் எப்படி இருக்கீங்க, விழா எப்படி போகுதுன்னு ஒரு பேச்சு குரல் கேட்டுச்சு. ரைட்டு, மனோ பேசுறார் போல அப்படின்னு ஆர்வமா இருந்தோம். என்ன நெனச்சாரோ நக்கீரன் மைக்ல சாரிங்க இது மனோ இல்ல. தப்பா மாணவன் வலைப்பதிவு சிலம்பு அப்படின்னு சொன்னாரு பாருங்க, போன் மாறி அவருக்கு போயிருச்சு அப்படின்னு மைக்ல வழிஞ்சார். எல்லோரும் அவர ஒரு கொலை வெறியில பார்த்தாங்க. பாவங்க நக்கீரன் செம பல்பு வாங்குனார் மேடையில.... 

நான், சிபி, நாய்நக்ஸ் நக்கீரன்

     கொஞ்ச நேரம் யாருகிட்டயும் பேசாம அமைதியா இருந்தார். லைன்ன இவரு மாத்தி போட்டுட்டு,மனோ இப்படி செய்துட்டாரே முப்பது ரூவா போச்சே அப்படின்னு மனுஷன் பொலம்பி தள்ளிட்டாருங்க... ஹி..ஹி... செம காமெடி தான் போங்க நாய்நக்ஸ் நக்கீரன் கிட்ட....

இன்னும் வரும்...

பிற்சேர்க்கை:

ஏன் எனது பதிவின் லிங்க்ஐ சேர்க்கவில்லை என நாலு முறை போன் போட்டு மிரட்டினார் நாய்நக்ஸ் நக்கீரன். அவரின் மிரட்டல் கெஞ்சலுக்காக அவரது பெயரில் இணைப்பு தந்துட்டேன்... ஹி..ஹி..