சுடச்சுட..... பொங்கலோ பொங்கல்!

நண்பர்களே,

        இன்று தை மாதம் முதல் நாள். பொங்கல் திருநாள். இந்த வருட பொங்கல் எனக்கு விஷேசமான மறக்கமுடியாத பொங்கல் நாள். என்னான்னா திருமணம் முடிந்து மூன்று வருடமும் பெற்றோர்களுடன் சேர்ந்தே பொங்கலை கொண்டாடி வந்தோம். இந்த வருடம் நாங்கள் இருவரும் தனியாக பொங்கல் கொண்டாடுகிறோம். ஆம், பொங்கல் நாளன்று நாம் குடியிருக்கும் வீட்டிலேயே கொண்டாட வேண்டும் என ஏற்கனவே முடிவு செய்திருந்தோம். வீட்டில் பெரியவர்களிடம் சொன்னோம். அவர்களும் மிகுந்த மகிழ்ச்சி அடைந்து அப்படியே செய்யுங்கள் என ஆசிர்வதித்தார்கள்.

      அதிகாலையிலே எழுந்து குளித்து புத்தாடை அணிந்து, புதுப்பானையில் பொங்கல் வைத்து, கரும்பு, மஞ்சள், தேங்காய், பழ வகைகள் வைத்து சூரியனுக்கு படைத்தது சாமி கும்பிட்டு இனிதாக பொங்கல் கொண்டாடினோம்.

இந்த பொங்கல் திருநாளில் அனைவரும்

கல்வி,

அறிவு,

ஆயுள்,

ஆற்றல,

இளமை,

துணிவு,

பெருமை,

பொன்,

பொருள்,

புகழ்,

நிலம்,

நன்மை,

நல்லொழுக்கம்,

நோயின்மை,

முயற்சி,

வெற்றி...

என்ற  பதினாறு செல்வங்கள் பெற்று பெரு வாழ்வு வாழ வாழ்த்துகிறேன்.

பொங்கும் பொங்கலை போல,

தித்திக்கும் கரும்பை போல,

மஞ்சளின் மனம் போல,

உங்களின் வாழ்க்கை தித்திப்போடு,

மகிழ்ச்சி பொங்கி

வெற்றியுடன் அமைய

இனிய பொங்கல் நல்வாழ்த்துக்கள்...