நடிகை கனகா அதிர்ச்சி செய்தி, குறும்பட முயற்சி, ஆரம்பம் (லென்ஸ் ரவுண்ட்)

அஜித்தின் ஆரம்பம்

          இப்ப சொல்வாங்க... நாளைக்கு சொல்வாங்க. படம் ரிலீஸ் ஆகுறதுக்கு முன்னாடியாவது சொல்வாங்க என நம்பி இருந்த அஜித் ரசிகர்களின் வயிற்றில் போன வாரம் பாலை வார்த்துள்ளது அஜித்தின் 53 படக் குழு. ஆம், Ajith53 என ரசிகர்களால் பெயரிடப்பட்ட படத்திற்கு "ஆரம்பம்" என பெயரை அதிகாரப்பூர்வமாக வெளியிட்டு ரசிகர்களிடம் படத்தின் மீதான எதிர்பார்ப்பை அதிகரிக்க செய்திருக்கிறது.

++++++++++++++++++++++++++++++++++++++

ஹன்சிகா ரசிகர்கள் அதிர்ச்சி

    சின்ன குஸ்பு, சின்ன குஸ்புன்னு ரசிகர்கள் மயங்கி கிறங்கிய ஹன்சிகா, நடிகர் சிம்புவை காதலிப்பதாக ட்விட் செய்து ரசிகர் இதயத்தை சுக்குநூறாக வெடிக்க வச்சுடாங்க. ஏற்கனவே, சிம்பு பலபேரோட லவ் கிசுகிசுல மாட்டியிருந்தது அம்மணிக்கு தெரியுமான்னு தெரியல. சரி, எப்படியோ ஜோடி லவ்வுக்கு பை....பை சொல்லாம இருந்தா சரி..

++++++++++++++++++++++++++++++++++++++

பதிவுலக தொடர்பதிவு

பதிவுலகில் ஆரம்பிச்சாலும் ஆரம்பிச்சாங்க என் முதல் கணினி அனுபவம் தொடர்பதிவு, ஒரே வாரத்தில் நம்ம பதிவர்கள் தங்கள் அனுபவத்தை எழுதி கலக்கிட்டாங்க. அடுத்து பலரும் தொடர்பதிவுக்கு என்ன தலைப்பு வைக்கலாம்னு ரூம் போட்டு யோசிச்சிட்டு இருக்காங்கனு உளவுத்துறை தகவல்கள் தெரிவிக்கின்றன.

 ++++++++++++++++++++++++++++++++++++++

பதிவர்களின் குறும்பட முயற்சி

       இளம்பதிவர் நண்பர்கள் வலைப்பூ ராஜ் தன் நண்பர்களுடன் இணைந்து ஒரு குறும்படத்தை திரைக்கதை எழுதி இயக்கும் முயற்சியில் இறங்கியுள்ளார். பதிவர் துஷ்யந்தன் தன் வலைப்பூவில் எழுதிய "வார்த்தை தவறிவிட்டாய் கண்ணம்மா" என்ற தொடர் குறும்படமாக எடுக்கப்பட உள்ளது. இவர்கள் முயற்சி பெரும் வெற்றி பெற நமது வாழ்த்துக்களையும், ஆதரவையும் வழங்குவோம் நண்பர்களே...

 ++++++++++++++++++++++++++++++++++++++

நடிகை கனகாவின் சோகம்

 குணப்படுத்த முடியாத அளவுக்கு கடுமையான புற்றுநோயால் பாதிக்கப்பட்டிருக்கும் கனகா, கேரளாவில் புற்றுநோயாளிகளை அவர்களின் மரணகாலம் வரை வைத்து பராமரிக்கும் மருத்துவனையில் சேர்க்கப்பட்டு உள்ளார். இப்போது அந்த மருத்துவமனையில் கனகா மரணத்தை எதிர்பார்த்து புற்றுநோயுடன் போராடிக் கொண்டிருக்கிறார். கனகா மருத்துவமனையில் சிகிச்சையின் போது அவரை பக்கத்தில் இருந்து பார்த்துக் கொள்ள கூட யாரும் இல்லை. இப்போது அனுமதிக்கப்பட்டிருக்கும் மருத்துவமனை நிர்வாகத்திடம் தன்னை சந்திக்க யாருக்கும் அனுமதி தரக்கூடாது என்று கனகா கூறியிருக்கிறார். இதனால் மருத்துவமனை நிர்வாகம் கனகாவை யாரும் சந்திக்க அனுமதிப்பதில்லை என்று கூறுகிறார்கள். மிகவும் அதிர்ச்சியான செய்தி தான் நண்பர்களே...

++++++++++++++++++++++++++++++++++++++

இன்றைய இலவச மென்பொருள்:

நினிட் (ninite) என ஒரு இணையதளத்தில் நம் கணினிக்கு தேவையான மென்பொருட்களின் டவுன்லோட் இணைப்பு உள்ளது. அதில் நமக்கு தேவையான மென்பொருட்களை தேர்வு செய்து உடனே கணினியில் இன்ஸ்டால் செய்யலாம்.

 லென்ஸ் ரவுண்ட் - லென்ஸ் என்றால் என்ன? விளக்கம் அடுத்த "லென்ஸ் ரவுண்ட்" பகுதியில்.......!!!