ப்ளாக் திடீரென தடை செய்யப்பட்டால்? ரெண்டாம் பாகமா? அய்யய்யோ!!

வேடந்தாங்கல் - கருண்:
இவரது செய்தி அலசல்கள் ரொம்ப பேமசு.... எல்லாமே விவகாரமான மேட்டரா இருக்கும். அதுல இருந்து நாம எஸ்கேப்பு....இவரோட பதிவுகள் எதுவுமே ஜொள்ளு விடுற மாதிரி இருக்காது. அதனால ப்ளாக் தடை பண்ணிட்டாங்கன்னா நமக்கு ஒன்னும் இழப்பு இல்லை.


சி.பி. செந்தில்குமார்:
ரொம்ப பேமசு பதிவர். புது ரிலீஸ் படங்கள் மட்டுமில்லாது பிட்டு, கிட்டு மாதிரியான எல்லாவகை படத்துக்கும் விமர்சனம் போடுவார். ப்ளாக் தடை பண்ணிட்டாங்கன்னா இந்த மாதிரியான படங்கள் பாக்கனும்னு அவசியமில்லை. என்ன, இவரோட காமெடி, நக்கல், நையாண்டி, அலசல்கள் ஆகியவை ரொம்ப அருமையா இருக்கும். ம்ஹும்... தடை வந்திருச்சுன்னா நம்மளுக்கு தான் ரொம்ப இழப்பு.

வலைச்சரம் குழு:
ப்ளாக் தடை வந்திருச்சுன்னா இவங்களுக்கு வேலையே இல்லை. அப்ப இவங்க யாரை கூப்பிடுவாங்க? எதுல எழுத சொல்லுவாங்க? வலைச்சரத்துல எழுத நாம உழைக்கிற உழைப்பு இருக்கே.... அப்பப்பா.... அதுல இருந்து எல்லா பதிவர்களும் எஸ்கேப்பு தான்... தடையினால நல்ல பல எழுத்தாளர்கள் வெளியே தெரியாமல் போவார்கள். கொஞ்சம் வருந்த வேண்டிய விஷயம்.

கவிதவீதி:
இவர் வீதியில இறச்சு விடுற கவிதைகள், வீதியில நாம நடமாட விடாம பண்ணுது. தடை வந்திருச்சுனா வீதிகள் சுத்தமா பளிச்சுன்னு மாறிரும். தடை வந்திருச்சுன்னா இவரோட கவிதைகளை எங்கே போய் கொட்டுவார்? தெரியலையே... 

உணவுலகம்:
ப்ளாக் தடை வந்தா இவரோட அறிவுரைகள், உணவு கலப்பட முன்னேச்சரிகைகள் பற்றி நாம அறிய முடியாது. பலருக்கு நல்ல விஷயங்களை சொல்ற இவரு இனி என்ன செய்வார்? நம்மளுக்கும் இழப்பு தான்.

நா. மணிவண்ணன்:
இவரு ப்ளாக் தலைப்பே விவகாரமான தலைப்பு தான்...ஆமாம், "வம்ப வெலைக்கு வாங்குவோம்ல" அப்படின்னு வச்சிட்டு கதை கதையா எழுதி தள்றார். எப்ப தான் வம்பை விலைக்கு வாங்க போறார்ன்னு தெரியல. இதுல ப்ளாக் தடை பண்ணிட்டாங்கன்னா வம்பை எவ்வளவு விலை குடுத்து வாங்குவார்? இல்ல யாருக்கு விப்பாரு? இவரோட கதைகளை ஏங்க போய் சொல்வார்? பாவம் இவரு.... 

டிஸ்கி: 

இந்த பதிவு யாருடைய மனதையும் புண்படுத்த அல்ல. புண்படுத்தியிருந்தால் மன்னிக்கவும்.