பின்லாடன் கொல்லப்பட்டான்! அஜ்மல் கசாப் எப்போது கொல்லப்படுவான்?!

ஒசாமா பின்லாடனை ஒழித்துக்கட்டிவிட்டது, அமெரிக்கா.எப்போதும், பிற நாடுகளை ஒப்பிட்டுப் பார்த்து, பெருமூச்சு விடுவதே நமக்கு தலைவிதி என்றாகிவிட்டது. இதிலும் அப்படிதான். ஆமாம் நண்பர்களே, மும்பை அட்டாக்,ஐ தான் குறிப்பிடுகிறேன்.

குருவி சுடுவதை போல, அப்பாவி மக்களை சுட்டுக் கொன்றவனை, ராஜமரியாதையுடன், சிறையில் வசதி செய்து கொடுத்து, "நான் ஒன்றும் செய்யவில்லை' என, அவன் எதிர்வாதம் செய்வதற்கு, ஒரு வக்கீலையும் வைத்துக் கொடுத்துள்ளோம்.

ஒரு பயங்கரவாதியை தூக்கில் போட்டால் என்ன ஆகுமோ என, தொடை நடுங்கிக்கொண்டே, அவனை ராஜமரியாதையுடன் வைத்திருக்கிறோம். எதிர்த்து கேட்டால், ஜனநாயகம்; சட்டத்தின் ஆட்சி என்கின்றனர். கேள்வி கேட்பவர்கள், ஜனநாயக விரோதிகள், மதசார்புடையவர்களாக கருதப்படுவராம்!எவ்வளவோ சட்டத் திருத்தங்கள் செய்தவர்கள், உலக அரங்கில் நாம் தலை நிமிர்ந்து நிற்பதற்காக, ஒரு திருத்தம் செய்யக்கூடாதா? 

எவராவது வந்து சமாதி கட்டி விடுவரோ என, பின்லாடன் உடலை, கடலில் ஜலசமாதி ஆக்கிவிட்டனரே! நாம், இனிமேலாவது, அஜ்மல் கசாப்புக்காக, இன்னும் பிற பயங்கரவாதிகளுக்காக பாகிஸ்தானிடம் கையேந்தி நிற்பதை, கேவலமாக நினைக்க வேண்டும். 


தேச குற்றம் செய்தவர்களை என்கவுண்டர் செய்ய சட்டம் இயற்றப்பட வேண்டும். சில குற்றங்களுக்கு பகவத்கீதை சத்தியம், கண் கட்டிய பெண்ணின் கையில் இருக்கும் காலியான தராசின் சமநிலை, காந்தியின் அகிம்சை வழிகள் போன்றவைகளை மறந்து, துணிந்து குற்றவாளிகளை உடனே அழிக்க வேண்டும். இது நடக்குமா?