மெக்கானிகல் துறையினருக்கான தொடர்...! சிஎன்சி (CNC PROGRAMMING & OPERATIONS) PART- 11

முந்தைய பாகங்களுக்கு...

  மெக்கானிக்கல் துறையினருக்கான தொடர்...(CNC PROGRAM & OPNS) (CNC PROGRAMMING & OPERATIONS) - PART-1  (CNC PROGRAMMING & OPERATIONS) - PART-2 (CNC PROGRAMMING & OPERATIONS) - PART-3  (CNC PROGRAMMING & OPERATIONS) - PART-4  (CNC PROGRAMMING & OPERATIONS) - PART-5  (CNC PROGRAMMING & OPERATIONS) - PART-6  (CNC PROGRAMMING & OPERATIONS) - PART-7  (CNC PROGRAMMING & OPERATIONS) - PART-8  (CNC PROGRAMMING & OPERATIONS) - PART-9  (CNC PROGRAMMING & OPERATIONS) - PART-10  (CNC PROGRAMMING & OPERATIONS) - PART-11 

டிஸ்கி:  

      இந்தப் பதிவு மெக்கானிகல் என்ஜினியரிங்கில் டிப்ளமோ/டிகிரி படிக்கும் மாணவர்களுக்காக. உங்களுக்குத் தெரிந்த மாணவர்கள் யாராவது இருந்தால், அவர்களிடம் இந்தப் பதிவைப் பற்றிச் சொல்லி உதவவும். நன்றி    

    இந்த இடுகையில் CNC PROGRAM பற்றிய ஒரு வீடியோவில் என் குரலில் விளக்கம் சொல்லி இணைத்து உள்ளேன். ஏதேனும் குறை இருந்தால் பொறுத்துக் கொள்ளுங்கள்.

         நண்பர்களே, சில வாரங்கள் இந்த தொடர் எழுத முடியவில்லை, காரணம் பணிச்சுமை அதிகம். கடந்த பாகங்களில் ABSOUTE, INCREMENTAL METHOD களில் X,Y புள்ளிகளை எப்படி எழுதுவது என பார்த்தோம். இன்று அந்த புள்ளிகளை எப்படி PROGRAM ஆக மாற்றி எழுதுவது என பார்ப்போம். ஏனெனில் முன்னர் நாம் பார்த்தது வெறும் புள்ளிகளை எப்படி எழுதுவது என மட்டுமே பார்த்தோம்.

     PROGRAM எழுத G-CODES, M-CODES, ADDRESS ஆகியவற்றை நாம் தெளிவாக அறிந்து வைத்திருக்க வேண்டும்.

ஒரு PROGRAMக்கு என்னென்ன தேவை என்பதை முதலில் பார்ப்போம்.
G CODES, M CODES பற்றி இந்த பாகத்தில் பார்க்கவும்.


1. G00 G90 G17 G21 G40 G80 G49; 
ஒரு PROGRAM ஆரம்பிக்கும் போது இந்த CODES முதல் வரியாக கொடுத்தால் நல்லது.
மேற்கண்ட CODES மிக முக்கியமானது. ஏனெனில் ஒரு PROGRAM ஆரம்பிக்கும் போது சில தேவையில்லாத CODES செயல்பாட்டில் இருக்கக்கூடாது. அதனால் இந்த G17- XY PLANE, G90- ABSOLUTE METHOD, G21- METRIC INPUT, G40- CUTTER RADIUS COMPENSATION CANCEL, G80 CANNED CYCLE CANCEL, G49- TOOL LENGTH OFFSET CANCEL ஆகிய இந்த CODESகளை தவறாமல் கொடுக்க வேண்டும்.


2. G91 G28 Z0. என்ற வரியை இரண்டாவதாக கொடுக்க வேண்டும்.
இந்த வரியில் G28- AUTOMATIC ZERO RETURN கொடுக்கப்பட்டு Z AXISஐ HOME POSITIONக்கு கொண்டு செல்ல வேண்டும்.


3. M06 T1; முதல் TOOL ஐ CALL செய்ய வேண்டும். முதல் TOOL ஆக நாம் செட் செய்து வைத்திருப்பதை T1 இல் CLAMP செய்து வைத்திருக்க வேண்டும்.


4. G0 G90 G54 X Y; இந்த வரியில் X,Y முதல் புள்ளியை கொடுக்க வேண்டும்.


5. M03 S3000; அடுத்து இந்த வரியை கொடுக்க வேண்டும். தேவையான SPINDLE SPEED மற்றும் SPINDLE ROTARION DIRECTION கொடுக்க வேண்டும்.


6. G43 Z100. H1; என்று கொடுக்க வேண்டும்.


7. G00 Z5. M08; என்று கொடுக்க வேண்டும். இங்கே COOLANT ON செய்ய வேண்டும் (தேவையெனில்).


8. G01 Z-1. F100; என கொடுக்க வேண்டும். தேவையான FEED RATE தர வேண்டும்.


9. நாம் முதலில் புள்ளிகள் எவ்வாறு குறிப்பிடுவது என பார்த்தோமே, அந்த வரிகள் இங்கே வர வேண்டும்.


10. G01 Z5. M09; என்பது வர வேண்டும். COOLANT OFF செய்ய வேண்டும்.


11. G00 Z100. M5; என்பது வர வேண்டும். SPINDLE STOP செய்ய வேண்டும்.


12. G00 G91 G28 Z0; Z AXIS HOME POSITION கொண்டு செல்ல வேண்டும்.


13. G00 G91 G28 Y0; Y AXIS HOME POSITION கொண்டு செல்ல வேண்டும்.


14. M30; ஆகியவை வரிசையாக வர வேண்டும்.


நண்பர்களே, முதல் எட்டு வரிகள் PROGRAM POINTSக்கு மேலும், பத்து முதல் பதினான்கு வரை PROGRAM POINTSக்கு கீழும் வர வேண்டும். எனவே நன்றாக ஞாபகம் வைத்துக் கொள்ளுங்கள்.

  மேற்கண்ட வரைபடத்துக்கு ஏற்கனவே X,Y புள்ளிகள் மட்டும் குறிப்பிடுவதை இந்த பாகத்தில் பார்த்தோம். இங்கே PROGRAM உடன் சேர்த்து எழுதுவதை இன்று பார்ப்போம்.

முழுமையான PROGRAM:

G00 G90 G17 G21 G40 G80 G49;
G91 G28 Z0.;
M06 T1;
G0 G90 G54 X-30. Y-20.;
M03 S1000;
G43 Z100. H1;
G00 Z5. M08;
G01 Z-1. F100.;
X20.0     Y-20.0;
X20.0     Y10.0;
X40.0     Y10.0;
X40.0     Y20.0;
X-10.0    Y20.0;
X-20.0    Y10.0;
X-20.0    Y-10.0;
X-30.0    Y-20.0;
G01 Z5. M09;
G00 Z100. M5;
G00 G91 G28 Z0.;
G00 G91 G28 Y0.;
M30;

     இந்த PROGRAM எவ்வாறு RUN ஆகிறது என ஒரு SIMULATER SOFTWARE மூலம் உங்களுக்கு விளக்க போகிறேன். இதில் ஒவ்வொரு வரிக்கும் நான் விளக்கம் சொல்லி உள்ளேன். முதல் முயற்சியாக உங்களுக்காக இந்த வீடியோவில் நான் பேசியுள்ளேன். ஏதேனும் தவறு இருந்தால் பொறுத்துக் கொள்ளுங்கள்.

        இங்கு ஒரு விசயத்தை குறிப்பிட விரும்புகிறேன். இணைய வழியாக CNC BASIC எழுதுவதால் MACHINE சம்பந்தமாக உள்ள WORK OFFSET, TOOL OFFSET எடுத்தல், PANEL BOARD OPTIONS ஆகியன பற்றி நாம் பார்க்க மாட்டோம் என்பதை தெரிவித்துக் கொள்கிறேன். ஏனெனில் இவை முற்றிலும் CNC MACHINE அருகிலிருந்து கற்கும் விஷயங்கள். இங்கே நான் பாட்டுக்கு தியரியாக எழுதி கொஞ்சம் புரிந்து வைத்திருந்த உங்களை குழப்ப விரும்பவில்லை. PROGRAM எப்படி எழுதுவது என்பதைப் பற்றி மட்டுமே பார்க்க போகிறோம். 

பொன்மொழி, விடுகதைகள் அடுத்த இடுகையில்...