எனக்குள் நான் - {பய(ங்கர) டேட்டா} - தொடர்பதிவு

      தமிழ் பேரன்ட்ஸ் வலை நண்பர் சம்பத்குமார் அவர்கள் எனக்குள் நான் என்ற தொடர்பதிவில் என்னையும் தொடர்பதிவிட மிரட்டல் விடுத்திருந்தார். அவர் மிரட்டலை தட்ட முடியாமல் ஏதோ எழுதி இருக்கேன். கண்டிப்பா படிச்சிருங்க.

நான்: ஊர் ஒலகத்துக்காக அப்பா, அம்மா வச்சது பிரகாஷ் குமார். பதிவுலகிற்காக நான் வச்சது தமிழ்வாசி பிரகாஷ். அப்புறம் என்னைப் பத்தி சொல்றதுக்கு அப்படியொண்ணும் சாதனை பண்ணல.


பிறந்த நாள்: டிசம்பர் 14


பிறந்த, வளர்ந்த இடம்: பிறந்தது வத்தலக்குண்டு, வளர்ந்தது திண்டுக்கல்.


இருப்பது: பார்க்கும் வேலைக்காக மீனாட்சியம்மன் குடியிருக்கும் மதுரைக்கு வந்து ஏழு வருசமாச்சு.


படிப்பு: டிப்ளோமா மெக்கானிக்கல் இன்ஜினியரிங்


வேலை: கோவை, சென்னை என அங்க இங்க சுத்திட்டு இப்போ ஏழு வருசமா தனியார் டயர் தயாரிக்கும் கம்பெனில வேலை பாக்கிறேன்.


பிடிச்ச விஷயங்கள்: நெறைய இருக்கு. குடும்பம், நண்பர்கள், இக்கட்டில் உதவியவர்கள் மற்றும் பதிவுலகம்(பலரால்)


பிடிக்காதது: ஏமாற்றுதல், சூழ்ச்சி மற்றும் பதிவுலகம்(சிலரால்)


நட்புக்கள்: இருக்காங்க. பள்ளி, கல்லூரி நண்பர்கள், முகம் தெரியா பதிவுலக நண்பர்கள்.


காதல்: முதல் காதல் திண்டுக்கல் டூ மதுரை ரயில் பயணங்களில், தண்டவாளம் போல சேராமலே போயிருச்சு. இரண்டாம் காதல், பெற்றோர் பார்த்து முடிவு செஞ்ச பெண்ணை, இரண்டு வருடம் லவ்வி, திருமணம் முடிஞ்சு மூணு வருசமாச்சு.


அன்பு, பாசத்துக்கு: அம்மா, அப்பா, மனைவி ஆகியோர்.


மறக்க முடியாதது: திரும்பி வராத பள்ளி, கல்லூரி நாட்கள், நானும் என் மனைவியும் காதலித்த நாட்கள்(மறக்க முடியுமா?). 


மறக்க நினைப்பது: நிறைய இருக்கு. இப்போது ஞாபகப்படுத்த விரும்பவில்லை.


சந்தோஷம்: பணியிடத்தில், வீட்டில், நண்பர்களிடத்தில் எப்போதும் சந்தோஷம் நிறைந்திருக்க வேண்டும். அதை தினமும் கடைபிடிக்கனுமே அதுவே ஒரு சந்தோஷம் தான்.


பலம்: சொல்வதை சுருக்கமாக நறுக்குன்னு சொல்றது.


பலவீனம்: சொல்வதை சுருக்கமாக நறுக்குன்னு சொல்றது. (ஆமாங்க, பிட்டு போட தெரியாது.)


கோபம்: முன் கோபம் அதிகம். (அப்ப பின் கோபம் இல்லையான்னு கேட்க கூடாது)


ஏமாற்றம்: அம்மா ஆட்சியின் விலையேற்றம். (நெஜமாலுமே சமாளிக்க முடியலைங்க)


பிடிச்ச பொன்மொழி: மன்னிப்போம், மறப்போம்!


பிடிக்காத பொன்மொழி: மருமக ஒடச்சா மண்குடம், மாமியார் ஒடச்சா பொன்குடம். (வேலையில் தவறு என்னால் வரவில்லை. அவங்களால தான் தவறு வந்துச்சுன்னு ஆபீஸ்ல ஒருத்தர் எப்பவுமே மத்தவங்க பழி போடுவாரு. அப்போ இந்த பொன்மொழியை அவர் கிட்ட சொல்வேன்.)


பொழுதுபோக்கு: இணைய தேடல், பதிவு எழுதுதல், வாசித்தல்...


ரசிப்பது: எங்கள் கம்பெனி மலையோரத்தில் இருப்பதால் மயில்களும், குரங்குகளும் நிறைய வரும். அவற்றின் விளையாட்டுகளை ரசிச்சு பார்ப்பேன். அன்றைய டென்சன் குறைந்து விடும்.


பிடிச்ச சுற்றுலா தளம்: கொடைக்கானல். அதுவும் பனிக் காலத்தில் அந்த மெல்லிய சாரலுடன் ஹோக்கர் வாக்ஸ்-இல் நடந்து செல்ல ரொம்ப பிடிக்கும்.


நிறைவேறாத ஆசை: வெளிநாட்டில் வேலை பார்க்கனும்.


கடவுள்: விநாயகர், முருகன், ஆஞ்சநேயர்.


சமீபத்திய பெருமை: வலைச்சரத்தில் நிர்வாக ஆசிரியர் குழுவில் திரு. சீனா ஐயாவுடன் இணைந்தது.


தற்போதைய சாதனை: மெக்கானிகல் துறையினருக்காக CNC பிரிவில் எழுதும் தொடர்.


தொடர்புக்கு: 
முகநூல்: https://www.facebook.com/sprakashkumar

முகநூல் குழுமம்: https://www.facebook.com/groups/tamilvaasi/

கூகிள் ப்ளஸ்: https://plus.google.com/u/0/106412922467461633842/posts

ட்விட்டர்: https://twitter.com/#!/tamilvaasi

மேலும் என்னைப்பற்றி அறிய: இந்த லிங்க் பாருங்கள்.

இந்த எனக்குள் நான் என்ற பய(ங்கர) டேட்டாவை எழுத நான் அழைக்கும் நண்பர்கள்:

• பதிவுகளில் தனி முத்திரை பதிக்கும் எனது நெருங்கிய பதிவுலக நண்பர் செங்கோவி அவர்கள்.
• தன் அனுபவத்தை சிறுகதைகளால் ரசிக்க வைக்கும் திரு. வை. கோபால கிருஷ்ணன் அவர்கள்.
• தான் எழுதிய கவிதைகளை இரண்டு புத்தகங்களாக வெளியிட்ட எனது நண்பர் கவிதவீதி சௌந்தர் அவர்கள்.
• பதிவுலகில் நான் அன்புடன் அம்மா என அழைக்கும் லட்சுமி அம்மா அவர்கள்.
• தனது புரட்சி கவிதைகளால் வாசிப்பவர்களை கட்டிப்போடும் அம்பாளடியார் அவர்கள்.
• குடும்ப நலன்கள், கவிதைகள், ஊக்குவிப்பு கட்டுரைகள் பதிவிடும் எனது மதிப்பிற்குரிய மகிழம்பூசரம் சாகம்பரி அவர்கள். 

என்னை பத்தி சொல்லிட்டேன். பிடிச்சிருந்தாலும், பிடிக்கலைனாலும் உங்க கருத்தையும் சொல்லிட்டு போங்க.